Omwogezi wa Ministry of Health- Uganda, Emmanuel Ainebyoona avuddeyo nategeeza nga Minisitule bwetegese okugema kw’ekirwadde kya #COVID-19 ku kisaawe kya Kololo Independence Grounds okusobozesa abantu abawerako okugemebwa.
Ainebyoona agamba nti okugema kuno kwakutandika olunaku lw’enkya ku bbalaza okuva ssaawa 3 ezokumakya okutuusa ssaawa 11 ezolweggulo nga kwakumala enaku 10 nga ekigendereddwamu kwekulaba nti eddagala lino terifiirawo kuba liggwako nga 10-July-2021.
Wabula alabudde abo bonna abagenda okugemebwa okugoberera ebiragiro ebyateekebwawo okulwanyisa ekirwadde kya COVID-19.