Minisita avunaanyizibwa ku nsonga z’ettaka, amayumba wamu n’okuteekerateekera ebibuga Hon. Judith Nabakooba avuddeyo nategeeza nti Gavumenti yalagidde Abapunta b’ettaka okutandika okukozesa Artificial Intelligence (AI) mu kupunta ettaka okusobola okumalawo entalo z’ettaka mu Ggwanga.
Bino yabyogedde aggulawo olukuŋŋaana olw’enaku 2 olw’omulundi ogwa 27 olwa CommonWealth Association of Surveying and Land Economy (CASLE) conference 2023 mu Makerere University.
Ono agamba nti enkola Artificial Intelligence yakukendeeza ku budde obukozesebwa okupunta ettaka wamu n’ensimbi. Minisita yayongeddeko nti Gavumenti eyagala buli Munnayuganda okubeera n’obusobozi obukubisa ettaka lye lyonna lyalina kabube bunene ki ku ssente ezisoboka.