Gavumenti egamba nti egenda kutandika okusolooza omusolo ku bantu abawangula ssente mu zzaala w’emipiira.
Bino byogeddwa omubeezi wa Minisita avunaanyizibwa ku kuteekerateekera eggwanga , David Bahati bwabadde awaayo ennoongoosereza mu tteeka erifuga eby’ennyingiza y’ensimbi n’endala ezeefaananyirizaako mu kakiiko k’ebyensimbi akukulirwa omubaka mu Palamenti owa Rubanda eyoobukiika ddyo, Henry Musasizi.
Bahati agamba nti okutandika n’omwaka gw’ebyenfuna ogujja, Gavumenti esazeewo okukola enkyukakyuka mu ngeri ey’okuggya omusolo ku kampuni ez’ebyemizannyo eza zzaala (Sports Betting) nga luli kampuni zino zibadde zisasula ebitundu 35 ku musolo wabula kati zaakusasula ebitundu 20 ate abawangudde baakusasula ebitundu 15.