Gavumenti eragidde kkampuni z’amasimu okuzzaako layini zonna ezaasalibwako

Gavumenti eragidde kkampuni z’amasimu okuzzaako layini zonna ez’amasimu ezaali zisaliddwako. Kino kidiridde Pulezidenti Museveni okwongezaayo ebbanga lya myezi essatu.

Bino byonna byavudde mu nsisinkano  ye n’ababaka ba NRM e Ntebe .  Nsalesale omupya ow’okusalako layini ajja kubaawo mu August 30 era nga yagambye  nti ku luno tejja kubaawo kwongezaayo kulala.

Ye Nampala wa w’ababaka  mu Palamenti abali ku ludda lwa Gavumenti , Ruth Nankabirwa mu kwogerako eri Bannamawulire yagambye  nti  mu kujjako layini mwalimu ensobi nnyingi okuli n’okujjako abo abali bandiisizza layini zaabwe.