Gavumenti edduukiridde ab’e Rubanda n’obuwunga

Pinterest LinkedIn Tumblr +

Gavumenti eddukiridde abantu boomu Disitulikiti y’e Rubanda abaafiirwa abantu baabwe wamu n’ebintu olwa nnamuttikwa w’enkuba eyafudemba gyebuvuddeko n’avaako amataba n’ okuyigulukuka kw’ettaka okwaleka abantu 17 nga baluguzeemu obulamu, ebawadde ensawo z’akawunga 250.

Mu nsasagge eno ,abantu 14 baafuna ebisago eby’amaanyi ate munaana tebakubikako kimunye songa amayumba agassoba mu makumi ataano (50) gasigala ku ddibwa nga n’ennimiro zaasaanawo.
Omubeezi wa Minisita avunaanyizibwa ku busambattuko n’ebigwabitalaze Musa Ecweru, agamba nti obuyambi babusoosowazizza ku abo abaafiriddwa abantu baabwe nga bano babawadde laatiri 300 ssaako n’abo abaafunye ebisago nga bano baafunye laatiri 100.

Share.

Leave A Reply