Ekibiina kya Forum for Democratic Change – FDC olunaku olwaleero kiwandiisizza omuntu omulala okuvuganya ku kifo ky’Omubaka wa Omoro County oluvannyuma lwa Denis Owani obutalabikako ne ku lunaku olwokubiri nga kigambibwa nti yawambibwa ate nga abalala bagamba yaguliriddwa.
FDC etaddewo Odong Justine ngono yaliko Ssentebe wa LC3 owa Koro SC Tochi County, mu Disitulikiti y’e Omoro mu 2016-2021. Wabula kyo ekibiina kya FDC kikyakalambidde nti; “Oluvannyuma lwa ‘junta’ okulumba nawamba Denis Owani babbye n’empapula ezokwewandiisa.”