Breaking
News: Engule World Cup Yolulimi Oluganda Nookumanya tinta tinta ku abiri mu ettaano ffena tweyiwe ku Summer Gardens Mukono nga 6122026 fayinolo News: Abantu 2 bga kuliko Omusirikale wa Uganda Police Force wamu nomusomesa basimbiddwa mu Kkooti yOmulamuzi etuula e Kanyanya nebavunaanibwa omusango News: Ekibiina ki National Unity Platform kitegese okujjukira Bannakibiina abatirimbulwa abebyokwerinda mu kwekalakaasa okwaliwo wakati wa 18 ne 19
ON NOW Binsangawano ▶ UP NEXT Simba Taxi 10:00 AM - 1:00 PM
Now Playing ยท 430 listening Simba FM Live
binsangawano show photo

On Air

Binsangawano

Ndausi - Julius Kidomole - Mbabali

Morning show 6:00 AM - 10:00 AM
News

Eyekwata ku katambi nakateeka ku TikTok nga yerigomba n’omwana atanetuuka akwatiddwa

May 16, 2023 · Mubiru Ali
Omwogezi wa Uganda Police Force Fred Enanga avuddeyo nategeeza nga Poliisi bweyakutte omusajja agambibwa okubeera nga muvuzi wa booda booda eyakwata akatambi nakateeka ku TikTok bweyali atigatiga omuwala atanetuuka.
Ono atageerekese nti ye Joseph Ngoma nga kigambibwa nti yekwata ku katambi ngatigatiga omwana omuwala ow’emyaka 16 n’oluvannyuma akatambi nakateeka ku mukutu gwe ogwa TikTok.
Enanga agamba nti ono yagiddwa e Kitintale gyeyabadde yekukumye. Kigambibwa nti Poliisi y’e Mubende ng’ekolera wamu ne Kampala Metropolitan Police East basobodde okukwata Ngoma eyabategeezezza nti akatambi kano yakakwata nga 4-May, omuwala owemyaka 16 bweyalinnya booda booda okugenda okusoma mu luwummula nti wabula bwebatuuka mu ka Ttawuni k’e Madudu, Ngoma namulimba nti yalina ebintu byayagala okukima ewuwe, nti bavuga mita nga 100 ku luguudo lwa Madudu – Mubende nti wabula Ngoma yakyaama ku bbaala eriko ne loogi nasasula okufuna room.
Enanga agamba nti Ngoma yasaba omuwala agende amusitulireko ebintu nti wabula bwebatuuka munda namusikambula natandika okukwata akatambi nga bwamutigatiga era oluvannyuma namusobyako. Ono bweyamala ebikolwa bye yalagira omuwala okuddayo ewaabwe. Nga wayise enaku 4 Maama w’omuwala yalaba akatambi era nawaaba ku Poliisi e Mubende. Omuwala yatwalibwa nakeberebwa okulaba nti oba yasobezebwako, era oluvannyuma natwala Poliisi ku Lodge webamutwala gyebakwatira Sylvia Nankinga naggulwako omusango gwokuyambako okusobya ku mwana.