Poliisi mu Disitulikiti y’e Kyegegwa ekutte omukazi Nyangoma Angella ow’emyaka 36 omutuuze mu Ggombolola y’e Mpala e Kyegegwa eyeewambye okumala ennaku bbiri n’ekigendererwa eky’okufuna ensimbi obukadde buna (4) okuva ku kitaawe asasule Looni gyeyewola okuva mu Black.
Alozius Irumba Taata wa Nyangoma ategeezezza nga muwala we bweyabula ku Sande era n’akubirwa essimu okuva eri omusajja gweyali tamanyi eyamutegeeza nga bwebawambye muwala we Nyangoma Angella n’amulagira aweereze obukadde bw’ensimbi buna asobole okufuna muwala we nga tebannamutta kwekuddukira ku Police.
Akulira Poliisi enkulu e Kyegegwa Muhimbura Milton akakasizza okukwatibwa kwa Nyangoma era nga kati aggudwako omusango gw’okwewamba n’okuwa amawulire agasasamaza.