Kkooti enkulu mu Kampala ekalize Musa Musaasizi ow’emyaka 25 emyaka 105 mu nkomyo ku misango gy’okutta abantu 5. Musa eyali omwana wo kunguudo yakirizza okutta banganzi be 4 n’omwana we omuwala ow’emyezi 3.
Kigambibwa nti emisango gino Musaasizi yagizza mu bbanga lya mwezi gumu e Nakulabye mu Zooni ya Mujomba mu Rubaga wakati wa 22/ 02 2021 ne 25 / 03/ 2021.
Wabula ono mu nkomyo wakumalayo emyaka 135 olw’okuba nti yali yasingisibwa dda omusango gw’okutta omuwala omulala era n’aweebwa ekibonerezo kyakusibwa emyaka 30.
Wabula ku kibonerezo kino ebbanga ery’emyaka 2 n’ekitundu lyamaze mu kkomera lyakusalibwako.