eyasalwa obuseke yetuze oluvannyuma lwa mukyala we okumugamba nti ali lubuto

Ronald Mutaka 38, nga ono abadde Parish Chief wa Kigalama Parish, mu Sub – County y’e Namutumba mu Disitulikiti y’e Namutumba yasangiddwa ku lunaku olw’okusatu nga alengejera ku muti gw’omuyembe.
Mutaka okweyimbamu ogwa kabugu kyavudde ku mukyala we okumutegeeza nga bwalina olubuto lwe. Rogers Mutaka nga ono muganda wa Mutaka agamba nti mugande we oluvannyuma lwakabanga nga ali ne mukazi we wabula nga tamufunyisa lubuto yagenda mu basawo abakugu yebuuze ekyamutuukako era eyo gyebakamutemera nga bwatakyasobola kuzaala olw’enkola y’okukutula obuseke gyeyagendako nga akyali muvubuka etasobola kumukirizza kuddamu kuzaala wadde nga emirimu gy’ekisenge yali akyasobola okugikola obulungi. Ono bweyavaayo teyabuulirako mukyala we.
Mutaka agamba nti babadde basazeewo okugenda okulaba omusawo ow’ekinnansi balabe oba asobola okumuyamba nga era ekizibu kino eky’obutaba na mwana abadde akigumidde emyaka 15 nga ali mubufumbo era nga mukyala we abadde akiddingana lunye nga bwagenda okunoba singa tamufunyisa lubuto.

0 replies

Leave a Reply

Want to join the discussion?
Feel free to contribute!

Leave a Reply