Eyali Omuwandiisi w’enkalakkalira mu Woofiisi ya Katikkiro, Amb. William George Nagagga aziikiddwa ku kyalo Bwotansimbi e Buloba.
Omulangira David Kintu Wasajja yatuusizza obubaka bwa Ssaabasajja Kabaka. Omutanda asiimye emirimu gy’omugenzi eri Obwakabaka.
Katikkiro naye atenderezza Omugenzi ng’omusajja abadde omugezi ate ow’amazima.
Abantu ab’enjawulo beetabye mu kuziika kuno; Namasole Margaret Siwoza, Owek Amb. Emmanuel Ssendaula, Amb. Bill Matovu, Baminisita ba Kabaka abaliko n’abawummula, abaaliko ababaka ba Uganda mu nsi endala, n’abakungu abalala bangi.