FUFA Emergency Executive Committee etudde olunaku olwaleero nga 29 June 2021 ekoze okusalawo okukomekereza ekikopo kya 2020/21 StarTimes Uganda Premier League nga esinziira ku Article 18, Section 1, Sub-section C & D of the FUFA Competition rules.
Ligamba nti singa;
Singa wabaawo ekiremesa liigi okuggwa bino byebijja okugobererwa okulondako omuwanguzi;
c) Singa kiraabu ebeera ezannye emipiira ebitundu 70 ku 100 ebyemipiira gya liigi, ekibalo kijja kukozesevwa nga bagoberera amateeka n’obukwakulizo okulondako omuwanguzi n’ebifo mu liigi.
d) Obubonero obufuniddwa okuva mu mipiira egizanyiddwa bwakukubisibwamu n’omuwendo gwemipiira gyonna egirina okuzanyibwa bugabanyizibwemu nempipiira egizanyiddwa.
Nolwensonga eyo, bakkaanyizza nga nkuyege era nebasalawo nti kiraabu ya Express Football Club yemuwanguzi wa 2020/21 Uganda Premier League.
Kyetume Fc, MYDA FOOTBALL CLUB ne Kitala FC zezisaliddwako nezidda mu StarTimes FUFA Big League.
URA Football Club eyali mu kyokubiri mu Uganda Premier League wetwagendera mu muggalo egenda kukiikira Yuganda mu CAF Confederation Cup.