Obwakabaka nga buyita mu Minisitule y’Abavubuka, Emizannyo n’Eby’okwewummuza, butaddewo enkolagana ne Minisitule ya Gavumenti eya wakati ey’Eby’ensimbi, Okuteekateeka, n’Enkulaakulana okuwagira Sacco y’abavubuka eya Essuubiryo Zambogo Sacco.
Mu bimu kubituukiddwako;
✓Okwongera amaanyi mu kittavu nga bawola ensimbi Sacco zeewa ba memba ku magoba amatono ddala.
✓Okuyambako ekitongole kino okuggulawo amatabi amalala okwetoloola Buganda.
Okusomesa abantu okutereka, okufissa, wamu n’okubasomesa okwekulaakulanya.
✓Okuzimba obukugu mu nzirukanya y’emirimu mu Zambogo Sacco.
Bino bituukiddwako mu nsisinkano ey’etabiddwamu Minisita w’abavubuka, Emizannyo n’Eby’okwewummuza, Oweek Henry Sekabembe Kiberu ne Minisita omubeezi ow’Obwegassi mu Gavumenti ya wakati, Hon. Kyeyune Haruna Kasolo mu Bulange e Mengo.
Ensisinkano eno yetabiddwamu, ebitongole ebikwatibwako ku nsonga y’obwegassi mu Gavumenti ya wakati okuli; Uganda Micro-finance Regulatory Authority, Micro-finance Support Center, ne Project For Financial Inclusion in Rural Areas (PROFIRA), ate ku ludda lw’Obwakabaka kwabaddeko Olukiiko lwa Boodi ya Sacco, ssenkulu wa Bicul n’abaddukanya Essuubiryo Zambogo Sacco.
Image may contain: 3 people, people sitting and indoor
essuubiryo zambogo sacco yakuwagirwa gavumenti
