Essomero lya Moi Girls High School e Nairobi ligaddwa

Essomero lya Moi Girls High School e Nairobi ligaddwa week nnamba oluvannyuma lw’omuyizi okusobezebwako mu bisulo. Abazadde bakedde nnyo okukima abaana baabwe era nga n’abasirikale ba Poliisi bateekeddwa kusomero lino.

Abayizi bagamba nti bakubye enduulu, wabula tebayambiddwa Mukulu wasomero wadde ba ‘Matrons’ okutuusa ku makya omuwala eyasobezeddwako bweyasangiddwa mu lukuubo lw’ekisulo nga ataawa.

Abayizi bagamba nti munaabwe ow’emyaka 15 nga asoma mu ‘form 2’ yeyasobezeddwako mu kisulo kya Elgon ku ssaawa nga munaana ogw’ekiro ate abayizi abalala babiri nabo balumbiddwa abantu abatanategerekeka.

Era abayizi bagamba nti bakonkonye oluggi lwa ‘Matron’ nagaana okugulawo wabula nagulawo ku ssaawa kumi neemu ng’omusajja amaze okudduka.

0 replies

Leave a Reply

Want to join the discussion?
Feel free to contribute!

Leave a Reply