Essomero eryalumbiddwa e Kasese lyazimbibwa Munnansi wa Canada – Minisita Janet

Minisita avunaanyizibwa ku byenjigiriza n’ebyemizannyo Janet Kataaha Museveni; “Abaana 17 bebafiiridde mu kisulo nga emirambo gyabwe gyayokeddwa nnyo nga tebasobola kutegeerekeka. Essomero lya bwannanyini nga lyazimbibwa Munnansi wa Canada Peter Hunter. Yasindika ababalirizi b’ebitabo okuyita mu bitabo byessomero era nga omulimu gwawedde ku lwakuna wiiki eno. Waliwo ekibinja ekyali kyagala okutwala essomero lino wabula balemererwa olwokuba nti lyazimbibwa kitongole kya bwannakyewa. Bino mbifuna okuva mu Minisita Muyingo n’Omuwandiisi omukulu mu Minisitule benasindise okukyalira essomero lino okuzuula ebirala kuba nze sasobodde kugenda kuba nkyali mu kkalantiini.”