Nga ebula enaku mbale olunaku lw’abajulizi lutuuke abalamazi okuva mu bitundu ebyenjawulo batandika dda ku lugendo olubatuusa e Namugongo nga muno mwemuli abe Lira nga bano bakatambula kilo metre nga 100 ku kilo metre 340 ate bo banaabwe abavudde e Kanungu bayise dda e Sanga mu district ye Kiruhura.
Kwo okuyooyota ekifo kugenda mu maaso omuli okusaawa ekifo kyonna, okusiiga langi n’ebirala.
Wadde nga ekifo kino kikyaali kisibe waliwo abalamazi okuva mu bitundu by’eggwanga eby’enjawulo abamaze okutuuka era nga n’abalala bali mukubo. Byo eby’okwerinda binywezeddwa nga abo bokka abalina ebiboogerako bebakirizibbwa okuyingira ekifo kino.
Bo abategesi b’omwaka guno aba Diocese ye Tororo bakutandika olugendo lwabwe nga 25 – May – 2018 era nga basuubirwa okutuuka nga 2 – june – 2018.
