Olunaku lw’eggulo Minisita w’abakyala, eby’enjigiriza, eby’obulamu, ekikula ky’abantu, n’ensonga za woofiisi ya Nnabagereka, Dr. Prosperous Nankindu Kavuma, yawadde enteekateeka ya ttabamiruka w’abakyala wetuuse era akunze abakyala n’abantu ba Beene yonna gyebawangaalira bajjumbire ttabamiruka ono kubanga agenda kuba wa byafaayo kuba Ssaabasajja asiimye okusomesa abakyala ku nsonga z’eby’obulamu.
Mu lukungaana lwa Bannamawulire olwatudde olunaku lweggulo Owek Nankindu yagambye nti ttabamiruka ono agendereddwamu okusomesa abakyala ku by’obulamu.
Abakulembeze b’abakyala mu Masaza ga Buganda, bayogedde ku biki ebikwata ku Masaza gaabwe naddala mu mbeera y’eby’obulamu.
Ttabamiruka w’abakyala waakubeerawo nga 8 May 2019 ku Hotel Africana, nga wakuggulwawo Maama Nnabagereka ate aggalwewo Ssaabasajja Kabaka Ronald Muwenda Mutebi II. Okuyingira emitwalo 30,000
Enteekateeka za ttabamiruka w’abakyala ziwedde
