Minisita omubeezi avunaanyizibwa ku kulondoola emirimu mu offiisi ya Pulezidenti Akello Beatrice Akori awuniikiridde olw’emivuyo egiri mu ntambuza y’emirimu mu kibuga kya Arua okukakkana nga asazizzaamu okulondoola emirimu egikolebwa mu bitundu ebirala nga agamba tayinza kuva Arua nga tamaze kugigogola.
Minisita alombozze byazudde mu baddukanya ekibuga Arua nga agamba boolesezza obwa nnantagambwako obutalabwangako, nga muno mulimu okusolooza emisolo nga bakozesa lisiiti enjingirire kwossa okugaba ettaka lya Gavumenti eri abalikulaakulanya nga tebagoberera makubo matuufu era nti bano bafiirizza abantu bangi ssente.
Minisita alina enteekateeka ya kulondoola emirimu mu bitundu by’amambuka nga yatandise lunaku lw’eggulo era leero abadde alina kwolekera disitulikiti ye Arua wabula abisazizzaamu n’agamba kaasooke asimbe amakanda mu kibuga kya Arua.
News
Entambuza y’emirimu mu Kibuga Arua ejjudde emivuyo – Minisita Akello
