Ensobi z’abasawo abakebera omusaanyi zaanikiddwa
Omuwandiisi omukulu mu Minisitule evunaanyizibwa ku nsonga z’ebyobulamu, Dr. Diana Atwine agamba nti obulagajjavu, obutafaayo awamu n’okupapirira byebiviirako abamu ku basawo naddala abakolera mu Labalatole gyebakeberera omusaanyi n’ebintu ebirala okumanya endwadde okuwa abalwadde amawulire amakyamu nebatuuka n’okuweebwa eddagala eritabakola bulungi.
Dr. Atwine asinzidde ku Mukolo ogubadde gutegekeddwa ogw’ebikujjuko eby’abasawo abakola omulimu gw’okukebera endwadde ezitali zimu nga beeyambisa ebintu ebitali bimu mu zi Labalatole.
Akisimbyeko amannyo nti kyetaagisa bano okweteekateeka obulungi bwebaba bakola omulimu guno basobole okugutuukiriza obulungi.
