Amawulire agava mu Rwenzururu galaga nti ekizimbe ekibadde kikola nga amaka g’Omusinga Charles Wesley Mumbere bwekyakutte omuliro nekisirikka mu kiro ekikeesezza olunaku olwaleero. Ne Offiisi ye naye terutonze era nga ekivuddeko omuliro guno tekinategeerekeka.
Dr Nathan Walemba, omu kubatuula ku Lukiiko lwa Rwenzururu agamba nti ekizimbe ekyayidde kyekyokka ekibadde kyasigalawo mu Lubiri lwabwe nga mwemubadde n’ebintu ebyobuwangwa.
RDC wa Disitulikiti y’e Kasese Lt. Joel Walusimbi bwabadde ayogerako eri Bannamawulire avumiridde ekikolwa ky’okwokya ennyumba eno era nasaba abantu okusigala nga bakakamu ng’okunoonyereza bwekugenda mu maaso.
Ye Omuduumizi wa Poliisi owa Rwenzori East SP Wilson Asiimwe agamba nti bakyanoonyereza ekiviiriddeko omuliro guno era nakiriza nti
Uganda Police Force
yavunaanyizibwa ku kukuuma ekifo kino nga n’abasirikale ababadde bakuuma batandise dda okunoonyerezebwako.