Enkulungo y’e Naalya ku Northern Bypass yakuggalwa okumala emyezi 2 – UNRA
Enkulungo ya Naalya ku luguudo lwa Northern Bypass okuliraana oluguudo lwa Kamuli okutandika n’olwokuna lwa wiiki eno yakuggalwa okumala ebbanga lya myezi ebiri, ekitongole ekivunaanyizibwa ku by’enguudo ekya Uganda National Roads Authority – UNRA bwekitegeezezza.
Okusinziira ku kiwandiiko kya UNRA enkulungo eno yakuggalwa okusobozesa abakola oluguudo lwa Northern Bypass okukola emirimu gyabwe.
Ab’ebidduka mwenna mukubirizibwa okukozesa oluguudo olumanyiddwa nga East Africa ne Kaduyu eziyita okuliraana ne offiisi za National Council for Higher Education, Uganda.
