Enjaga emuleetedde leenya

Poliisi e Kireka mu munisipaali y'e Kira mu Disitulikiti y'e Kira eriko omukyala gwekutte neemuggalira oluvannyuma lw'okusangibwa lubona n’emisokoto gy'enjaga egiwelera ddala makumi asatu ssaako n’etali nzinge ate nga nendala nnyweko. 

Ono okukwatibwa kiddiridde abatuuze ku kyalo Kito Kirinnya mu Bweyogerere okwekubira enduulu eri Poliisi nga obumenyi bw'amateeka bususse mu kitundu kino era wano Poliisi nga ekulembeddwamu Nicholas Muyonjo kwe kusitukiramu nga eyatega ogw'ekyayi n'ekola ekikwekweto era nga ono  emusanze enjaga agikukumye wansi mu kitanda.

Omukwate ategerekese nga Teddy Nassuna myaka 24 nga agguddwako omusango gwo kusangibwa n'enjaga wabula bw'abuuziddwa akana n'akataano yeegaanye ekyo’kusangibwa nayo.

0 replies

Leave a Reply

Want to join the discussion?
Feel free to contribute!

Leave a Reply