Engule 2016 eggyiddwako akawuuwo

Libadde ssanyu jjereere nate akawungeezi ka Leero wano ku Luboggola Simba e Bukoto eri abakontanyi wamu n’abaweereza b’engule  bwebadde eggulwawo n’olukontana olusooka ku mpewo za Luboggola Simba .

Omukolo guno ogw’okuggulawo olukontana olusooka ku mpewo gukuliddwamu Ssentebe wa Luboggola Simba, Hajji Aga Ssekalaala asinzidde wano okwagaliza abakontanyi obuwanguzi obw’omuggundu .

Jjukira Ssengule oba Nangule w’omwaka guno atwala obukadde 18 okuva wano ku Luboggola Simba ate endukusa ye n’ebuukayo n’obukadde buna okuva mu na RNJ Power Center .

Abakontanyi abagiggyeko akawuuwo mwebuli  ; Mukasa Moureen n’endukusa ye Namata Doreen ( Mutima) ,  Omulangira Kabiswa Kayemba n’endukusa ye  Kagulu Joel wamu ne Kikomeko Moses n’endukusa ye Batte Abdu Kigere naga bano bazzukulu ba Mukalo e Kambugu .