#SimbaSportsUpdates;
Lyabadde ssanyu mu nkambi ya ttiimu y’eggwanga eyabakyala abali wansi w’emyaka 20 ku Kisaasi Paradise Hotel nga Pulezidenti w’ekibiina ekitwala omupiira ogw’ebigere ekya Federation of Uganda Football Associations (FUFA) Hon. Magogo Moses Hassim atuukiriza okusaba kwa ttiimu okukyuusa ku byokulya ku Sunday ekiro. Abawala bamusabye abagulire KFC era nebagibaleetera.
Ttiimu eri mu nkambi nga yetegekera okwambalagana ne Ghana mu mupiira ogusooka mu kitundu ekyokuna mu mpaka z’okusunsulamu abanetaba mu eza FIFA U20 Women World Cup Qualifiers ku lwomukaaga nga 22/01/2022 ku St. Mary’s Stadium, Kitende.