Omwogezi wa Gavumenti Ofwono Opondo avuddeyo nasambajja ebigambo ebyayogeddwa omwogezi wa Poliisi Fred Enanga ebikwatagana n’okunoonyereza kukuba ssente ezakubibwa abakungu ba Bbanka enkulu.

Ku bbalaza omwogezi wa Poliisi yavuddeyo nategeeza nga Poliisi bweyazinzeeko amaka gabakungu ba Bbanka enkulu 6 nezuula ebiwandiiko ebyakozesebwa okulagira okukuba ssente ezensusuuba.

Wabula olunaku olwaleero Oponodo avuddeyo nayambalira Poliisi nga agamba lwaki embungeesa engambo.

Enanga yayongedde nategeeza nga Poliisi n’Akakiiko akalwanyisa obulyake n’obukenuzi okuva mu State House bwekakutte abantu 6 nga bali mu nkomyo wetwogerera. Wabula ye Enanga agamba nti tezaali nsimbi wabula ebyamaguzi ebirala byebyabuzibwawo. Enanga agamba nti bano batumya ebintu ebisinga kwebyo ebyali byetaagibwa okuli; Solar Machines, Batteries n’ebirala bingi nti era Gavumenti yo temanyi ku ssente ezakubwa Poliisi zeyogerako.

Opondo era avuddeyo nalabula nti ekitongole kya Gavumenti kyonna ekibungeesa engambo kyakukwatibwa n’omukono ogw’ekyuuma.