Empaka z’amasaza ez’omwaka guno 2019 zitongozeddwa
Empaka z’amasaza ez’omwaka guno 2019 zitongozeddwa mu butongole. Omumyuka wa Katikkiro asooka era Minisita w’enzirukanya y’emirimu n’obuyiiya Prof. Twaha Kigongo Kaawaase yazitongozezza.
Owek Kaawaase asabye abakulembeze b’omupiira gw’amasaza ku buli mutendera okwewala okugootaanya empaka zino kisobozese okukulaakulanya empaka z’amasaza okutuuka ku mutendera ogwa waggulu.
Ssaabasajja Kabaka Ronald Muwenda Mutebi II asiimye okuggulawo empaka zino nga 1st June kisaawe ky’essaza e Ssingo nga bannyinimu aba Ssingo battunka ne Ssese.
