Rev. Isaac Mwesigwa amyuka Viika wa Central Buganda era Reverend w’e Kasaka mu Gomba eyabuzibwawo ebintu bye bitandise okuzuulibwa. Okusinziira ku Mukyala we Deborah Mwesigwa, agamba nti baava e Kasaka mu kusaba ne boolekera e Kyebando era Rev Mwesigwa bwe yamala okubatuusa ye n’ayolekera e Mukono.Olunaku olwaleero Uganda Police Force ey’e Sseeta ezudde emotoka y’e ekika kya Toyota Raum nnamba UAR 468D mu kifo ekisulwamu ekya City Resort nga esangiddwamu essanduuke erimu engoye z’obwawule nga n’ebisumuluzo mwebiri. Kiteeberezebwa nti emotoka yandiba nga yasuuliddwa mu kifo kino ekiro ekyakeesezza olwa bbalaza.Abakola okunoonyereza bagamba nti bagezezzaako okwetegereza obutambi bwa vidiyo eziri ku muliraano mu kifo webawambira omwawule wabula nga zaali tezikwata byali mu kifo webamuwambira wabula nga ate ku kubo eriva e Ssonde okuda e Bukeerere tewali kkamera.
Emotoka ya Reverend eyawambibwa Poliisi egisanze ku Woteeri e Mukono
