Papa Francis bweyakyalako mu Yuganda mu mwezi ogw’ekkumi n’ogumu 2015 takozesa emotoka enzirugavu ekika kya Kia wamu n’enjeru ekika kya Mitsubishi eyaliko endabirwamu mweyatambulira. Wabula oluvannyuma lw’emyaka ebiri nga Papa agenze emotoka zino tezikubika kyamulubaale nga mpaawo kunnyonyola kutuufu kumayitire gaazo.
Omubalirizi w’ebitabo bya Gavumenti agamba nti amazima naye tamanyi motoka zino gyezalaga. Ye Willis Bashasha omukungu okuva mu offiisi ya Pulezidenti agamba nti emotoka zino bazirina era ziri mu parking yaabwe ku offiisi ya Pulezidenti. 
Kinajjukirwa nti emotoka zino zagulwa obukadde 322, era nga ebiwadiiko ebireeteddwa biraze nti emotoka ekika kya Kia yagula emitwalo gya doola $35,940 bwebukadde nga 133,000,000/= ate yo Mitsubishi yagula emitwalo gya doola $56,031 bwebukadde 188,000,000/=
Papa Francis asuubirwa okukomawo mu Yuganda mu mwaka ogujja omwezi ogw’omusanvu okwetaba mu lukiiko lw’abasumba okuva mu Afirika.