Embeera mu Ggwanga essusse okubeera embi – Winnie Kiiza

Bannabyabufuzi okuva mu bibiina by’obufuzi ebivuganya Gavumenti eby’enjawulo okuli Forum for Democratic Change, National Unity Platform, ne Alliance for National Transformation (ANT) bafulumizza ekiwandiiko ekyawamu nga bemulugunya ku mbeera eri mu Ggwanga.
Okusinzira ku kiwandiiko ekisomeddwa Munnakibiina kya ANT, Hon. Winnie Kiiza bano bagamba nti embeera y’obunkenke esusse mu Ggwanga nga buli lukya abantu bawambibwa nga n’abamu battibwa kyokka nga nebwebavaayo okuteeka Gavumenti ku nninga tewali kikyuuka.
Mu kiwandiiko kyebafulumizza, bavumiridde embeera y’ebyenfuna wamu n’ebyentambula mu Ggwanga byebagamba nti mbi nnyo ekisusse era nebawera nti bagenda kukolera wamu okulwanirira nkyuukakyuuka ku nsonga ezo.