Ekitebe kya Germany kitonedde Poliisi emotoka ne Piki piki

Ekitebe ky’omubaka wa Germany mu Yuganda olunaku lw’eggulo kyatonedde Poliisi ya Yuganda emotoka, Piki piki wamu ne kkamera. Mu bino kwabaddeko Double Cabin 2, Piki piki 10 wamu ne kkamera 4.
Bino byakwasiddwa omumyuka w’omuduumizi wa Poliisi DIGP Maj. Gen. Sabiiti Muzeyi. Omubaka wa Germany mu Yuganda H.E Dr. Conze Albrecht bweyabadde awaayo ebintu bino eri Poliisi ku kitebe kya Poliisi e Naguru yagambye nti okuwaayo bino kyavudde ku nkolagana ennungi wakati w’amawanga gombi.