Minisitule y’ebyobulamu erina abagwira 4 betadde mu ddwaliro lya Entebbe Regional Referral Hospital. Bano bagiddwa ku kisaawe ky’ennyonyi Entebe nga balina obubonero bwassenyiga.
Bano bagiddwako ‘Samples’ nezitwalibwa okukeberebwa ku Uganda Virus Research Institute
(UVRI) era nga ebinavaamu byakutegezebwa abantu bonna.
Minisitule egamba nti mukadde kano ekirwadde kya Coronavirus (COVID-19) tekinatuuka mu ggwanga.
Minisitule y’ebyobulamu ekubiriza Bannayuganda bonna okusigala nga bakkakamu n’okugoberera endagiriro ezabaweereddwa Minisitule era ebakubiriza okutwala abantu abalowoozebwa okubeera ne ssenyiga ku ddwaliro eriri okumpi oba okukuba ku nnamba zino ez’obwereere; 800-203-033 ne 0800-100-066, oba okukubira bano Mr. Atek Kagirita – 0782 909 153, Dr. Allan Muruta- 0772 460 297 ne Dr. Opar Benard – 0772 469 323.