Eby’okwerinda binywezeddwa ku kitebe kya Poliisi e Naguru
Eby’okwerinda binywezeddwa ku kitebe kya Poliisi e Naguru nga kino kivudde ku bakyala abalwanirizi b’eddembe abakedde okwekalakaasa olw’okuwamba wamu n’okuttibwa kwa bakyala mu ggwanga. Bano nga bakulembeddwamu Dr. Stella Nyanzi babadde baagala kusisinkana omuddumiizi wa poliisi mu ggwanga Martin Okoth Ochola. Bano baddukidde ku kitebe kya Uganda Human Rights Commission ekirinaanye ekitebe kya Poliisi.
