Ababaka ba Palamenti abatuula ku Kakiiko akateekebwawo okunoonyereza ku mivuyo egyetobeka mu kugaba ettaka lya Naguru – Nakawa bawunikiridde oluvannyuma lwokukizuula nti Kkampuni ezimu ezaweebwa ettaka lino tezirina busobozi kulikulaakulanya nga nabantu abalala bafuna ettaka lya mirundi ebiri.
Muno mwabadde Omuyindi Anil Damani eyaweebwa yiika 3 okuzimbako ennyumba ezisulwamu ngono bwebayise bannannyini kkampuni ya Dembe era y’omu najja nga mu kkampuni eno alinamu emigabo ebitundu 98 ku 100. Ono yafuna yiika 3 ezasooka nga ekiragiro kyava wa Pulezidenti ngayita mu Minisita w’ettaka ekiseera ekyo.
So nga ne Munnamateeka we Ronald Asiimwe naye yabadde alina emigabo mu kkampuni endala eya Dominion Partners Limited nga nayo yaweebwa yiika 1.
Leave a Reply
You must be logged in to post a comment.