Poliisi y’ebidduka evuddeyo netegeeza nga bwewagenda okubeerawo okutaataganya mu ntambula y’ebidduka nga Uganda yeteekerateekera okukyaaza abakulembeze abagenda okwetaba mu lukungaana lwa NAM n’olwa G77 + China ku luguudo Northern Bypass ne Kampala – Entebbe Expressway. Poliisi egamba nti emotoka tezijja kukirizibwa kusukka Flyover ye Busega kweyongerayo ku luguudo lwa Entebe Expresswat. Ku Northern Bypass ku Flyover n’enguudo ezegattako e Ssentema, Nansana, Bwasie, Kalerwe, Kyebando ne Kisaasi.
KU Flyover y’e Bwasie emotoka eziyingira ekibuga zakukozesa oluguudo lwa Sir Apollo Kagwa, e Mpala zakukozesa Entebe Highway, bwezinatuuka e Kisubi zezzibwe ku lwe Nakawuka okwolekera ekibuga Kampala. Ku Flyover y’e Kajjansi, emotoka zakukozesa Kajjansi Flyover zidde e Lubowa okwolekera Zana. Wajja kubaawo okukyuusibwa ku bitaala by’e Kigo, Mutungo-Kitiko ne Busaabala ku motoka zonna ezoolekera Munyonyo Spur.
Abagoba b’ebidduka aboolekera Munyonyo nga bava Gaba bakukozesa oluguudo lwa UCB badde e Buziga – Lukuli.
Leave a Reply
You must be logged in to post a comment.