Eby’Ababaka ba NUP bibi

Ababaka Allan Ssewanyana ne Muhammad Ssegirinya Bannakibiina kya National Unity Platform – NUP olwaleero okutuula lwa Kkooti Ejulirwamu bakugoberedde kusinziira ki nkola ya Zoom.
Abalamuzi Cheborion Barishaki, Christopher Madrama ne Eva Luswata bebabadde mu lutuula lwa Kkooti luno.
Munnamateeka waabwe Erias Lukwago ategeezezza Abalamuzi nti abasibe basasula obukadde bwabwe 20 buli omu okweyimirirwa, wabula oluvannyuma lwa Kkooti okutwala ssente zaabwe ate nebabakwata.
Omulamuzi Lawrence Tweyanze yakyuusa ekiragiro ky’Omulamuzi Victoria Katumba eyali abayimbudde ku kakalu ka Kkooti.
Wabula omuwaabibwa Gavumenti Joseph Kyomuhendo bwabadde ayanukula ategeezezza nti bano okubeera mu Kkooti baliwo mu bumenyi bw’amateeka kuba baali balina okuddamu okusaba okweyimirirwa oba okusaba Kkooti okubajjako emisango. Ono agamba nti okujulira kwabwe tekulina tteeka kwekwesigamiziddwa nti nekyokubeera mu kkomera emyezi 9 sikikulu nnyo okulinnyirira ekitiibwa kya Kkooti.