Kkooti y’amaggye e Makindye olunaku olwaleero eyimbudde Bannakibiina kya National Unity Platform- NUP 13 ku 49 bebakwata ne Hon. Kyagulanyi Ssentamu Robert aka Bobi Winemu December 2020.
Amaggye gagamba nti bano 49 bavunaanibwa omusango gwokusangibwa n’amasasi 4 nga 3-January-2021 e Makerere kavule mu Kigundu Zone. Akuliddemu oludda oluwaabi Capt.Ambrose Guma ategeezezza Ssentebe wa Kkooti eno Lt Gen Andrew Gutti nga bwebalina ebiragiro okuyimbula abantu 12 bokka ku 49. Ategeezezza nti tebalina buzibu ku; Rachel Akiki Tusime, Saphina Nansove, Jamira Namwanje Kalyango, Shakira Namboozo, Joy Namuyimba, Monica Twashemerirwe, Oliver Lutaya ne Benedicto Musisi.
Bbo Bannamateeka ba NUP balazeeyo ebiwandiiko ebiraga nti William Ntege naye yalina okugenda mu Ddwaliro lya St.Francis Hospital Nsambya okujanjabwa nga tanakwatibwa.
Gen. Gutti akirizza okuyimbula abantu 13 wabula nabawa ebiragiro ebikakali okuli; obutatambula kusukka Disitulikiti y’e Kampala oba Wakiso nga tebafunye lukusa kuva mu Kkooti era nga balina n’okulabikako mu Kkooti emirundi ebiri buli mwezi. Buli omu asabiddwa okusasula obukadde 20 obutali bwabuliwo ate ababeyimiridde nebasasula obukadde 50 ezitali zabuliwo nti era singa bamenya ebiragiro bakuddamu bakwatibwe.
Wabula ye Nubian line Eddie Mutwewamu n’abalala bakulindako okutuusa nga 15-Feb-2021 balabe oba banateebwa.
Leave a Reply
You must be logged in to post a comment.