Omunoonyereza ate Omusomesa mu ssettendekero wa Makerere Yunivasite, Dr. Stella Nyanzi asuubirwa okulabikako mu kkooti mu Kampala leero avunaanibwe.
Dr. Stella Nyanzi yakwatibwa ku lwokutaano lwa ssabbiiti ewedde n’atwalibwa ku Police station y’ e Kira eri mu Munisipaali ey’e Kira.
Ku nkomerero ya wiiki gyetukubye amabega, ayogerera Police mu Kampala n’emiriraano yategeeza ab’amawulire nti ono agenda kusimbibwa mu kkooti leero awerennembe n’emisango gy’okweyambisa emikutu egy’embikkulirwa kumanya okuvvoola n’okulengezza.