Ebbula lya condom e Kabale lyongedde kukusaasana kwakawuka akaleeta mukenenya – Alfred Besigense
Akulira okusomesa ebyobulamu mu Disitulikiti y’e Kabale Alfred Besigense avuddeyo nategeeza ngomuwendo gw’abantu abakwatibwa akawuka akaleeta mukenenya bwegweyongedde. Ono agamba nti yadde omuwendo gwabakwatibwa obulwadde buno guli ku bantu 170 buli mwaka, naye wetwogerera nga mu myezi 2 gino egisoose bakafuna abalwadde abapya 40.
Alfred agamba nti kino kivudde ku bbula lya bupiira buggalimpitawa mu malwaliro ga Gavumenti okwetoloola Disitulikiti yonna. Ono agamba nti embeera yeyongera okusajjuka ekitongole kya United States Agency for International Development (USAID) bwekyalekerawo okubawa obuyambi nga kino kyakosa obuweereza obwebyobulamu okwali n’okulwanyisa okusaasana kwakawuka akaleeta mukenenya.
Alfred agamba nti ebbanga eriyise babadde bagamba obupiira obusoba mu mutwalo gumu mu malwaliro naye nga kati basobola kugaba 2000 ekitabasobozesa kumatiza bwetaavu bwabatuuze.
Ono akubirizza Abantu e Kabale okufaa
