Minisita w’Ebyobulamu Dr. Jane Ruth Aceng Ocero olunaku lw’eggulo yayanjulidde Palamenti ebbago ly’etteeka erimanyiddwa nga Uganda Human Organ Donation and Transplant Bill, 2021 okusomebwa omulundi ogusooka. Ebbago lino lyawerezeddwa mu Kakiiko ka Palamenti akavunaanyizibwa ku byobulamu okusooka okulyekkaanya.
Etteeka lino ligendererwamu okuteekawo enkola eyamateeka enayitwamu okuluŋŋamya okugaba ebitundu byomubiri wamu nokubijja mu muntu omu okubiteeka mu mulala (organ, cell and tissue donation and transplantation) nekigendererwa ekyokukuuma ekitiibwa kyomuntu awatali kusosolebwa wamu n’eddembe lye eryobuntu.