Director of Public Prosecutions asudde emisango egibadde givunaanibwa Caroline Kembabazi, ng’ono muwandiisi wa Pulezidenti Yoweri Kaguta Museveni ow’ekyaama nga abadde avunaanibwa omusango gwokuwa Akakiiko k’ebyokulonda aketengeredde aka Electoral Commission Uganda amawulire amafu nga agezaako okufunira ab’eŋŋanda ze emirimu mu Kakiiko kano.
Mu bbaluwa emuggyako emisango DPP gyeyawandiikidde omulamuzi wa Kkooti ya Buganda Road, DPP Jane Frances agamba nti Gavumenti omusango yaguggyeemu enta era nemuggyako emisango.
Kembabazi 32, nga mutuuze w’e Kireka yakwatibwa Akakiiko akalwanyisa obukenuzi n’obuli bw’enguzi oluvannyuma lw’abakulu mu EC bwebekubira enduulu nti Kembabazi yali asusizza okubatiisatiisa wamu n’okubateeka ku nninga bawe aboluganda lwe emirimu.
Kigambibwa nti Kembabazi yatuuka nokulumba offiisi za EC nabatiisatiisa okubakolako singa bagaana okuwa abantu be emirimu ng’ekiragiro kyavudde wa Pulezidenti.
Kembabazi yali ayagala bawe Magezi, Duncan Muramuzi ne Elia Abomeire emirimu nga ba Assistant District Registrars.
Leave a Reply
You must be logged in to post a comment.