Ab’ekibiina kya Democratic Party basindikidde Gavumenti ya South Africa wamu n’abooluganda lwa Winnie Madikizela abadde mukyala w’omugenzi Nelson Mandela obubaka obw’okusaasira olw’okuviibwako omuntu eyali ow’enkizo ennyo mu kuleeta enkyukakyuka mu biseera by’okulwanyisa obusosoze mu ggwanga lino.
Winfred Madikizela yavudde mu bulamu bw’ensi eno olunaku lwa jjo mu Netcare Milpark Hospital mu Kibuga Johannesburg era yafiiridde mu gy’obukulu 81 olw’okutawanyizibwa akawago.
Bw’abadde ayogerako n’abamawulire mu lukungaana lwa DP olwa buli wiiki , omwogezi w’ekibiina kino Kenneth Paul Kakande agambye nti Winfred yali kyakulabirako kinene eri abakazi abaali balowooza nti tebasobola kuleetawo nkyukakyuka mu nsi eno.