Douglas Kaaya aka Kasozi 40, nga mutuuze we Buziga Makindye yasimbiddwa mu maaso gomulamuzi weddaala erisooka Asuman Muhumuza owa Kkooti ya

🚨 Douglas Kaaya aka Kasozi 40, nga mutuuze w’e Buziga Makindye yasimbiddwa mu maaso g’omulamuzi w’eddaala erisooka Asuman Muhumuza owa Kkooti ya Standards, Utilities and Wildlife e Makindye navunaanibwa omusango gwokugaba ebikwata ku Bannansi mu ngeri emenya amateeka ngabiwa abantu abagambibwa okukukusa abantu naddala abaana abawala nga babatwala e Dubai.
Kaaya nga Registration Assistant mu National Identification and Registration Authority (NIRA) yaguddwako emisango 2 egyokugaba ebikwata ku muntu nga tafunye lukusa ate nabiwa abantu abagambibwa okwenyigira mu kukukusa abantu.
Kaaya okukwatibwa kyaddirira emboozi eyakolebwa Omukutu gwa BBC ngeyogera kukukusa abaana abawala okuva e Uganda nebabatwala e Dubai nga babasuubiza emirimu, nebafundikira nga batwaliddwa mu bikolwa ebyokwetunda.
Kigambibwa nti Kaaya nabalala abatanakwatibwa beyambisa ofiisi za NIRA e Makindye nga 4-December-2024 bakozesa ebifo byabwe okufulumya ebikwata ku bantu abakukusibwa wamu n’okukakasa ebibakwatako okusobola okwanguyiriza omulimu