Eyali omukuumi ne Ddereeva weyali avunaanyizibwa ku kulondoola Bbanka endala mu Bank of Uganda Justine Bagyenda okuli Juliet Adikot Omukuumi ne Job Turyahabwe Ddereeva basuubirwa okulabikako mu kkooti oluvannyuma lw’okuwa obujulizi obutakwatagana mu kakiiko akalondoola ebitongole bya Gavumenti ku bikwatagana ku nsawo esatu ez’ebiwadiiko ebyagibwa mu Bbanka enkulu nga 10-Feb-2018.
Bbo abakuumi abaali ku mulimu gw’okukuuma emiryango gya Bbanka enkulu olunaku olwo okuli Charles Mollo ne Beatrice Kyambadde basimbiddwa mu maaso g’omulamuzi wa Kkooti ya KCCA ku City Hall ne bavunaanibwa emisango okuli okusulirira emirimu gyabwe okwali obutakebera Bagyenda nga ayingira mu bbanka nga tebamukebedde nga amateeka ga Bbanka enkulu bwegakirambika. Wamu n’obutakola mirimu gyabwe ekyaviirako ebiwandiiko eby’omugaso ebyali bikwata ku kuggala bbanka okuli Tteefe, Global Trust bank ne Cranes Bank.
Leave a Reply
You must be logged in to post a comment.