Wabaddewo katemba atali musasulire abakungu okuva mu Kakiiko okuva mu maka g’omukulembeze w’eggwanga aka Anti Corruption Unit – State House Uganda bwebabadde bakwata Chief Finance Officer (CFO) wa Disitulikiti y’e Butebo Simon Koowa Mutekanga wamu n’abakozi abalala aba Disitulikiti.
Kigambibwa nti bano batondawo essomero eritaliiyo erya ssekendule nga liyitibwa Kanginima SS nga kigambibwa nti libadde lirina abaana 250 era nga limaze ebbanga lya myaka 3 nga liweebwa obukadde 40 ku buli quarter.
Mutekanga yakunyizibwa abakungu okuva mu Kakiiko akalwanyisa enguzi okumala essaawa eziwera era bwebamutegeeza nti yali mukwate yemulula nadduka abakungu nebamusimbako nebamukwatira mu lusuku olulinaanye ekitebe kya Disitulikiti.
Abakungu abaali bataamye obugo balabibwako nga bamukuba ensambaggere wamu n’emiggo okumutuusa ku motoka ekika kya double cabin nga n’engoye baziyuzizza.
Ttiimu ya State House kwabaddeko; Samuel Arinaitwe, Charles Mugerwa ne Samule Liwa.