Pulezidenti Yoweri Kaguta Museveni; “Enkya yaleero, ngenze okulambula ku nte zange (enkoroogyi) e Rwakitura. Ntera okukubiriza abalunzi nti bwekiba kisoboka, bawulemu mu ffaamu zaabwe wamu n’okulimira ente zaabwe omuddo okugeza orunyankokoore (Chloris Diana) kuba gulina ebiriisa zebyetaaga.”
#ffemmwemmweffe

Pulezidenti Yoweri Kaguta Museveni; “Nze ne Maama Janet Kataaha Museveni olunaku lweggulo twalumalidde Rwakitura nga tuli wamu n’abaana baffe wamu n’Abazzukulu.
Nga tujaguza Ssekukulu, njozayoza Bannayuganda olwokutuuka ku lunaku luno. Twebaza Katonda atukuumye nga tuli balamu, wadde nga tukungubagira banaffe abatuvaako nga abo abafiira e Kiteezi, mu mataba e Bulambuli nawalala.
Wadde nga tulina okusoomozebwa, Uganda esigadde nsi yamirembe era ekyo tukyebaliza Katonda. Akaseera kano akenkuba ka mikisa yadde nga waliwo abonoona ensimbi nga bejalabya. Njakowngera okubyogerako mu bubaka bwange obwomwaka.”
#ffemmwemmweffe

Emotoka ezisoba mu 10 zigiiridde mu muliro ogambibwa okuba nga gukumiddwa ba mmemba ba SACCO ababadde babanja ssente zaabwe zebabadde batereka. Omuliro guno gutandise ku ssaawa kumi ezookumakya negukwata Garage omubadde emotoka nga 14, akakolero akatono, ebbajjiro, ebyalani, ekifo webawummulira wamu ne sitoowa z’ebintu.
Enjega eno egudde Kubbiri mu Mukwenda Zone, Makerere 1 Parish. Okusinziira ku ssentebe w’ekitundu Juma Kavuma agamba nti waliwo SACCO gyatayagadde kwatuukiriza mannya ekulemberwa omukyala Ruth Nakakawa nga Bammemba baayo babadde balina okugabana ensimbi zaabwe eziri wakati w’obukadde 15-20 nga 18 December nti wabula olunaku lwatuuse nga Nakakawa talinaawo yadde ekikumi ekyaviiriddeko Bammemba okwekalakaasa.
#ffemmwemmweffe

Omukulembeze wa National Unity Platform Kyagulanyi Ssentamu Robert aka Bobi Wine; “Oluvannyuma lwolunaku lw’eggulo okukola akabaga akamalako omwaka ak’abaana banaffe abattibwa, ababuzibwawo oba bebasiba olwokutuwagira, Gavumenti olwaleero ekedde kuyiwa basajja baayo bwebakitegeddeko nti tuteeseteese akabaga kabanafffe betubadde tukolagana nabo. Bano nga baduumirwa Asiimwe bakedde kuyiwa basajja baabwe ku makya nebakwata abakozi ssaako okukuba omukka ogubalagala mu kifo. Basazeeko ekifo kyonna nebalemesa abantu okuyingira. Bakutte; Saava Peter, Mudenya Samson ne Turyasingura Samson. Bwebabadde babakwata aba JATT ababakutte babakubye babuuza ani gwebawagira mu byobufuzi. Babayise batujju era abamenyi b’amateeka-naye ngomusango gwabwe kukola naffe.”
#ffemmwemmweffe

Pulezidenti Yoweri Kaguta Museveni yavuddeyo nategeeza nga Gavumenti bwegenda okutandika okwekkaanya ebyamagero ebikolebwa naddala Abasumba b’Abalokole okukakasa nti Bannayuganda tebalimbibwalimbibwa. Pulezidenti okwogera bino yabadde aggulawo ekkanisa ya Nabbi Samuel Kakande empya gyazimbye eya Temple Mount Church of All Nations at Mulago, Kampala.
Pulezidenti yategeezezza nti yadde Gavumenti erina okussa ekitiibwa mu ddembe lyokusinza: nti wabula erina omutawaana gwokutumbula ebyobulamu, okuziyiza okubbibwa wamu n’okuteekawo obwenkanya. Okugeza yawadde ekyokulabirako ky’omusajja gweyalaba ku TV eyali annyumya nti Maama we bamukebera ne bamusangamu kkookolo, nti wabula oluvannyuma lwokukiriza mu Katonda, yawona, so nga wali wayise emyaka 43 ngabasawo bamaze okukikakasa nti tewali ddagala lya kkookolo.
Pulezidenti yagambye nti kituufu emboozi ezo gyeziri, era nategeeza nti bwebaba bawonya, Gavumenti yevunaanyizibwa ku mutindo, nayongerako nti ebikwatagana n’okuwonya abantu, ebintogole ebivunaanyizibwa ku byobulamu birina okwenyigiramu obutereevu.
Wano weyategeereza nti bafune abantu abo bonna bebagamba nti bawonyezebwa; bakeberebwe abakugu. Olwo bafune ngaye nga balina kusooka kukakasiza ddala nti balwadde nga tanabawonya nga babatwale mu basawo okubaggyako omusaayi wamu n’okubekebejja oluvannyuma Nabbi abasabire bawone. Yayongeddeko nti oluvannyuma bajja kumutendereza olwekyamagero. Yayongeddeko nti Gavumenti kino egenda kukiyingiramu naddala ng’omusumba akifunamu ensimbi.
Yawadde kyokulabirako ky’amazzi agoomukisa e Namugongo, abantu gebanywa nga bagamba nti gawonya. Ne Busoga ku Bishop Hannington Center, abantu gyebasena amazzi mu lutobazi, era okusinziira ku Pulezidenti ebifo bino byonna byakakasibwa.
Yategeezezza nti amazzi gano bwegaba gabwereere, gatwale, bwowona tewali buzibu. Naye Omusumba bwabeera agatundu, eyo ebeera bizineesi, baba balina okwekeneenya amazzi ago okuzuula nti oba tegalina bulabe ku bantu ate bwobeera ogatunda tuba tulina okuzuula oba nga ddala gawonya abantu.
Pulezidenti yalabudde kubulabe obuli mu Bannaddiini abamu abagaana abantu okugenda mu malwaliro okufuna obujanjabi nawa ekyokulabirako ekyomugenzi Omukama Ruhanga Owobusobozi Bisaka, eyagaana omuntu okugenda mu Ddwaliro namutegeeza nti yali wakumuwonya wabula oluvannyuma naafa.
Pulezidenti yategeezezza Nabbi Kakande nti olwokuba yamuyise okuggula ekkanisa ye, agenda kulagira ebitongole byebyobulamu okukola naye okulaba nti oba nga ddala awonya eddwadde.
#ffemmwemmweffe

Omukulembeze wa National Unity Platform Kyagulanyi Ssentamu Robert aka Bobi Wine avuddeyo nategeeza nga enkya yaleero bwayiseeko mu Ddwaliro e Nakasero okukebera ku munywanyi we Joseph Mayanja aka Jose Chameleone eyatwaliddwayo olunaku lweggulo. Bobi Wine agamba nti abasawo tebabakiriza kumulaba olw’ensonga nti eddagala likyamugonzezza. Kyagulanyi etegeezezza nti bamusabira era bamwagaliza okussuuka obulungi.
#ffemmwemmweffe