Ssentebe w’Akakiiko ka Palamenti aka COSASE Joel Ssenyonyi, avuddeyo nategeeza nti yewuunyizza nnyo era kyamukubye wala okuwulira nti IGG yaggye emisango gyobukenuzi n’okulya enguzi ku eyali ED wa Uganda National Bureau of Standards – UNBS David Ebiru wadde nga yawa Gavumenti obujulizi obumala okumuluma ku misango gino omwali n’obwo ye yennyini okweyogerera nti yawaayo obukadde 100 okulaba nti kkontulakita ye eyali eweddeko ezzibwa buggya.

Obukulembeze bwa FDC e Najjanankumbi obukulemberwa Patrick Oboi Amuriat bulabudde ab’ekiwayi kye Katonga obutaddamu kweyita bakulembeze ba FDC wadde okukozesa obubonero bw’ekibiina. Pulezidenti wa FDC ekiwayi kye Najjanankumbi Patrick Oboi Amuriat aweze okufafagana ne Erias Lukwago wamu ne banne singa tebakomya kweyita bakulembeze ba FDC.

Abayizi b’essomero lya Kasana Junior School mu Kibuga Masaka eryakutte omuliro mu kiro ekikeesezza olwaleero ku ssaawa kumi ezookumakya baleeteddwa mu Ddwaliro lya Kiruddu National Referral Hospital, Kampala nga bagiddwa mu Ddwaliro lya Masaka Regional Referral Hospital.

Pulezidenti wa Forum for Democratic Change ow’ekiwayi ky’e Katonga Erias Lukwago avuddeyo nategeeza nti bakoze kyonna ekisoboka okulwanirira eddembe ly’obuntu wabula ngebitongole nga Uganda Human Rights Commission – UHRC bituulidde amaanyi gaabwe.