Pulezidenti Yoweri Kaguta Museveni; “Nasisinkanye Abakulembeze mu ttundutundu ly’e Acholi mu Disitulikiti y’e Amuru netukubaganya ebirowoozo ku nsonga ya Balaalo. Oluvannyuma lwokuwuliriza ensonga ezaleeteddwa, nawabudde bwenti;

1. Ku kyokwonoona ebirime – Nalagidde omuduumizi wa Divizoni ya UPDF, RPC ne Minisita avunaanyizibwa ku nsonga zamambuka okulaba nti omuntu yenna alina ente nga teziri mu lukomera mu bitundu bye Acholi, Lango ne West Nile abyamuka mu wiki 3 zokka okutandika n’olwaleero.
2. Obwannanyini bw’ettaka – Njakwogerako n’enjuyi zombi ku lunaku olulala ku nsonga yobwannanyini ku ttaka wamu n’okulipangisa.
3. Ebyobuwangwa – Abantu abenyigira mu bikolwa ebikontana n’obuwangwa bwa Acholi balina okukikomya mu bunanmbiro.
4. Ettaka lya Gavumenti – Omuntu yenna ali ku ttaka lya Gavumenti Aswa ranch ne Lakang, neryafunibwa okuweebwa Madvhani group, neddala balina okulyamuka mbagirawo obutasukka wiki 3 okuva olwaleero.
5. Okulonda ente ezamata – Gavumenti yakuyambako mu kukulaakulanya obusuubuzi bwamata mu kitundu ky’e Acholi.”

Abawagizi ba National Unity Platform balabiddwako nga bajaganya oluvannyuma lwabebyokwerinda okwamuka ekitebe kyabwe ekiggya ekisangibwa ku Kavule Makerere. Omukolo gwokuggulawo ekitebe gwakutandika ssaawa ttaano.

Pulezidenti wa National Unity Platform (NUP) Robert Kyagulanyi Ssentamu aka Bobi Wine, eyaliko Pulezidenti wa Forum for Democratic Change – FDC, Rtd. Col. Dr Kizza Besigye, akola nga Pulezidenti wa FDC ow’ekiwayi ky’e Katonga Erias Lukwago mu luseregende lwa motoka nga boolekera ekitebe kya NUP ekiggya e Makerere Kavule okwetaba ku mukolo gwokukiggulawo.

Pulezidenti wa National Unity Platform (NUP) Robert Kyagulanyi Ssentamu aka Bobi Wine, eyaliko Pulezidenti wa Forum for Democratic Change Rtd Col. Dr. Kizza Besigye n’abakulembeze abalala nga batuuka e Makerere Kavule, mu Kawempe Division ku mukolo gwokuggulawo ekitebe ekiggya ekya NUP.

Pulezidenti wa National Unity Platform (NUP)Robert Kyagulanyi Ssentamu aka Bobi Wine, neyaliko Pulezidneti wa Forum for Democratic Change Rtd. Col. Dr. Kizza Besigye nga basala akagguwa nga akabonero kokuggulawo ekitebe kya NUP ekiggya mu butongole e Makerere Kavule, Kawempe Division.