Ekitongole ekivunanyizibwa ku by’enguudo mu Ggwanga ekya Uganda National Roads Authority kitegeezeza nti kirinze amazzi agaayanjala ku luguudo oluliraanye omugga Kafu gakalire kiryoke kikole okunoonyereza okuzuula oba luddamu okuggulwawo okuyisa ebidduka byonna oba ebimu byakulindako. Omugga guno gwabooga ku ntandikwa ya wiiki eno oluvannyuma lw’enkuba ey’amaanyi eyamala kumpi essaawa 7 nga etonnya.

SACCO ya Palamenti erina enteekateeka essuula amabanja agawereza ddala obukadde 421,373,441 nga zino zaali zewolebwa Ababaka 3 kati abagenzi nga bano kuliko eyali Sipiika wa Palamenti Jacob Oulanyah nga ono yali abangibwa obukadde 294,918,413 weyafiira. Abalala kuliko; Rehema Wetongola obukadde 3,093,535 ne Patrick Okabe obukadde 123,361,493.

Abantu ab’enajawulo beyiye ku kyalo Rubanga ekisangibwa mu Disitulikiti ye Sheema okuziika abadde omumyuka owookubiri owa Pulezidenti w’ekibiina ekitwala Omupiira gw’ebigere mu ggwanga ekya Federation of Uganda Football Associations (FUFA), Darius Mugoye eyafa ku Lwokubiri lwa wiiki eno mu Ddwaliro e Mengo.

Abasirikale ba Uganda Police Force wamu n’Abakungu okuva mu kitongole kya Uganda National Drug Authority e Iganda bakutte Nuwahereza Hamas nga kigambibwa nti ono abadde yeyita Drug Inspector wa UNDA nga akaka abatunda eddagala okumuwa ssente aleme kubaggalawo. and conning unsuspecting people in drug business. We thank the vigilance of our officers and police.