Bannakibiina kya National Unity Platform nga bakulembeddwamu omwogezi w’ekibiina Joel Ssenyonyi wamu ne Ssaabawandiisi David Lewis Rubongoya bezoobye ne Uganda Police Force ku lutindo lw’e Jinja ngetabwe evudde ku ba piki piki ababadde babawerekera Poliisi begamba nti tebalina kukozesa lutindo lupya nga balina kuyita ku lukadde. Oluvannyuma bakiriziganyizza era bano ne beyongerayo.

Omwogezi wa Uganda Police Force Fred Enanga avuddeyo nategeeza nti Poliisi eri ku muyiggo gwa Dr. Alon Laurence 56, nga musomesa ku Kyambogo University kubigambibwa nti yasobya ku muyizi muzibe ow’emyaka 16.

Akakiiko akalwanyisa obuli bw’enguzi okuva mu maka g’omukulembeze w’Eggwanga aka Anti Corruption Unit – State House Entebe nga kakolera wamu ne bambega ba Poliisi bakutte Natuhwera Polly, Director wa Zionat Multipurpose Limited, ku misango gyobukenuzi. Kigambibwa nti mu December wa 2023, yaweebwa kkontulakita yokuzimba essomero lya Mwello Seed School mu Disitulikiti y’e Tororo nga yali ya nsimbi 648, 323, 714/= nga yali wakulimaliriza nga 30 May 2024. Ekifo weyalina okuzimba essomero kyamukwasibwa mu February naweebwa ssente ku mulimu guno 162, 080, 929/= Wabula n’okutuusa nga 19 April 2024 essomero lyali terivanga mu musingi.

Bweyakunyiziddwa yategeezezzanti obukadde 162 yabukozesa ebintu ebirala. Okunoonyereza kulaga nti yadde mu kaseera kokukola bid yalaga ebiwandiiko bya Yingiya abatendeke naye abaali bazimba baali tebewandiisangako era tewaali wo mukugu yenna.