#SimbaSportsUpdates;
Ekibiina ekitwala omupiira ku lukalu lwa Afirika ekya Confederation of African Football kiragidde ttiimu ya Esperance de Tunis okukomyaawo ekikopo n’emiddaali ebya ttiimu empanguzi eya Africa. Kino okubaawo kyava ku basambi ba ttiimu ya Morocco eya Wydad Casablanca okwekalakaasa nebava ku kisaawe oluvannyuma lw’okuteeba ggoolo eyekyenkanyi mu ddakiika eya 58 wabula nesazibwamu nga bagamba nti eyagiteeba yali akuumye.
Bwebasaba betegereze vidiyo (VAR) eyali ku kisaawe babategeeza nti yali tekola wadde nga yaliko ku kisaawe.
CAF egamba nti kati ttiimu zombi zitwalibwa okuba nga zaggwa maliri ggoolo 1-1 nga gwakuddibwamu nga ekikopo kya AFCON kimaze kuggwa nga 19 July 2019.
CAF eragidde ttiimu ya Esperance de Tunis okukomyaawo ekikopo n’emiddaali
